Tuesday, October 26, 2010

Aminin mo na.

Nanggaling ako sa isang Party ng kaibigan Last week. Nagkita kami. Hindi ko naman siya gusto, pero masaya ako pag kasama siya. Magkaibigan kami nung college, Sabay pa kami bumili lagi sa Bambang nuon para sa mga syota namin na hiwalay na kami pareho. Siya ang isa sa kakwentuhan ko ngayong hiwalay na kami.

Madaming kaibigan namin ang pumunta nuon, parang reunion nga ang nangyari eh. Dumating din, ang pinakalantad na bading sa Batch namin nuon. Panay ang titig sa aming dalawa. Panay din ang kantiyaw sa kanya na ang payat na niya at gustong gusto siya ng bading.

Wala siyang imik, ngiti lang ang binibigay. Halatang asiwa siya, natatawa ako sa kanya. Sabay kaming kumain. Pag may picturan, magkatabi kami. Magkasama kami. Panay ang titig ng bading sa amin.

Medyo nakakainom na ang lahat. ng minsa'y naghiwalay kami, ako, nakikipagkwentuhan kasama ng ibang lalakeng sawi sa pag-ibig, siya naman, sumasayaw kasamaa ang iba naming kaibigan.

Nakita ako ni bading, tinawag ako, may sasabihin daw siyang personal. Lumapit ako, nakinig sa mga sinasabi niya. Gusto daw niya ako dati pa, sana daw naging kami nung College pa. sana daw pumatol ako sa kanya. sana daw dati pa niya ito sinasabi.

Inakbayan ko siya, nanahimik ako, di ko siya gusto dahil lantad siya. Hindi ko siya gusto dahil lalake ako. Hindi pa ako pumapatol sa kahit na kanino. SA KAHIT NA KANINO. Niyakap ko siya, at bumalik kami sa kumpul ng mga tao. Pabiro si bading na nag-aaya ng orgies kasama ng mga kaibigan ko. Nagyakapan kaming tatlo ng mga kaibigan ko at naghahalikan ng leeg para ipakita kay Bading. Natutukso siya, tawa kami ng tawa.

Siguro magugustuhan ko rin siya, pero hindi ngayon. hindi pa ngayon.

Magkasama na kami ni B, ang kaibigan kong kasama ko kani-kanina lang pero sayaw na ng sayaw ngayon, Nakikipagsayaw na rin ako. All-out na ito, panay inom, at sayaw na rin, magkatabi kami lagi, hangga't sa nawala si B, hindi ko namalayan, nasa labas na pala siya suka ng suka. umupo na lang, di na kayang tumayo.

Sinamahan ko, siya, hinahagod ang likod niya, pina-inomm ng tubig, nasa tabi lang niya, panay ang ngiti ko pag napapadaan ang iba at kinakantiyawan siya. Panay din ang kakaibang hagod sa likod pag wala ng mga tao.

Umalis ako. Ayoko ipahalatang sobra ang pag-aalala ko. Nakipagsayaw ulit, inom uli ng kaunti. Nung kakaunti na ang mga tao, binalikan ko siya, andun pa rin, nakapikit, sumusuka pakonti-konti. tuloy ako sa paghagod ng likod niya.

Nagulat ako sa mga sunod na ginagawa niya, dumantay siya sa balikat ko, na parang binibigay na niya ang lahat, walang kyeme sa paningin ng iba. pagkatapos sumuka ng konti ulit, sumandal siya sa balikat ko, at ngayon niyakap naman ako. mahigpit na yakap.

Paulit-ulit. Masaya ako. Napakasaya ko sa loob, pero nahihiya rin ako. ayokong lagyan ng malisya.

Dinala ko siya sa kama, binantayan, masakit mang sabihin pero kelangan kong umuwi, at kasabay ko si Bading. Inowan ko siya duon para magpahinga ng maayos sa kwarto. Gusto ko siyang halikan, ngunit, ang daming makakakita. Alam ng mga tao, pareho kaming lalaki.

Umuwi, kami, kinausap ako ni Bading, kung meron daw bang nangyayari sa amin ni B. sabi ko wala, at hindi ako naglalagay ng malisya, di siya umimik. Nung nasa taxi siya, nagpaalam siyang hahalikan daw niya ako, kami lang makakaalam. Isang beses lang. Hindi ako pumayag, humingi ako ng pasensya.

Kinabukasan, naglabasan na ang mga posts ng tao sa FB kung pano kaming sobrang naging basag at si B, wala daw maalala sa lahat ng ginawa niya.

Nanghinayang ako, nalungkot. Akala ko, pwede na akong magsimula at ma-try ang bago at kakaibang relasyon. Hindi pala. Maghihintay ako uli. Kung may aaminin siya sa akin. aaminin ko rin. KUng gusto niya, gugustuhin ko rin. Wala akong ginawa kundi isipin at isipin ang nangyari sa amin hanggang ngayon.

Talaga bang hindi niya alam yung ginagawa niya nuon?

Hihintayin ko bang malasing kaming dalawa uli?

Ngayon alam ko na ang papel ng alak sa buhay.

7 comments:

orally said...

an epiphany brought about by the spirit. i keeeeeeeed.

goodluck na lang sa pagnanasa

Alter said...

never listen to bottles of booze.

my two cents. :)

Ryan said...

Try telling him what happened between you two, then take it from there. Malay mo, during the course of your conversation, you'd feel na okay lang magdrop ng hints about what you want to happen.

kabalastuganniM said...

@orally: thanks. sarap din magnasa eh noh.

@alter: I'll try to keep that in mind. :)

@Ryan: Once i got all the courage i need, I'll soon ask. ang hirap i-risk eh. but thanks though. :))

Nimmy said...

tama si alter. :D

infairness kinilig ako ng bongga sa balikat moment.eeeeeeee!

caloy said...

natawa ko. pareho tayong may gusto kay B. hahahaha! yun din kasi tawag ko sa one and only ko. hahahaha!

imsonotconio said...

alam nya un

happy chinese new year!